ஆதார் அப்டேட்
ஆதார் கார்டு அனைத்துக்கும் கட்டாயமாக்கப்பட்டு வருகிறது. சிம் கார்டு, வங்கிக் கணக்கு, பான் கார்டு, வருமான வரிக் கணக்கு உள்ளிட்ட அனைத்துக்கும் ஆதார் கட்டாயமாக்கப்பட்டுள்ளது. இதுபோன்ற சூழலில் ஆதார் கார்டில் திருத்தம் செய்வது மற்றும் அதற்கான ஆவணங்கள் என்னென்ன என்று பார்க்கலாம்.
ஆதார் அமைப்பின் அனுமதிப்படி, மொத்தம் 32 ஆவணங்கள் அடையாள ஆவணமாக ஏற்றுக்கொள்ளப்படுகின்றன. ஆதார் அப்டேட் செய்ய இரண்டு வழிகள் உள்ளன. ஆதாரின் அதிகாரப்பூர்வ இணையப் பக்கமான uidai.gov.in என்ற முகவரியில் சென்று ‘update Aadhaar’ என்ற வசதியில் அப்டேட் செய்யலாம். அல்லது, இ-சேவை மையங்களிலும் நீங்கள் நேரடியாகச் சென்று ஆதார் விவரங்களை அப்டேட் செய்ய முடியும்.
தனிநபர் அடையாள ஆவணமாக, பாஸ்போர்ட், பான் கார்டு, ரேஷன் கார்டு, வாக்காளர் அடையாள அட்டை, ஓட்டுநர் உரிமம் ஆகியவை ஏற்றுக்கொள்ளப்படுகின்றன. முகவரி ஆவணமாக, பாஸ்போர்ட், பேங்க் ஸ்டேட்மெண்ட், பாஸ்புக், ரேஷன் கார்டு, போஸ்ட் ஆபீஸ் அக்கவுண்ட் ஸ்டேட்மெண்ட், வாக்காளர் அடையாள அட்டை, ஓட்டுநர் உரிமம், எலெக்ட்ரிசிட்டி பில், வாட்டர் பில் ஆகிய ஆவணங்கள் செல்லுபடியாகும்.
பிறந்த தேதிக்கான ஆவணமாக, பிறப்புச் சான்றிதழ், பாஸ்போர்ட், பான் கார்டு, மார்க் ஷீட், எஸ்.எஸ்.எல்.சி. சர்டிபிகேட் போன்றவை ஏற்றுக்கொள்ளப்படுகின்றன.
முகவரியை அப்டேட் செய்வதற்கு uidai.gov.in என்ற இணையப் பக்கத்தில் சென்று ‘update Aadhaar’ என்ற வசதியை கிளிக் செய்து, ‘update your address online’ என்பதைத் தேர்ந்தெடுக்கவும். அடுத்த பக்கத்தில் உங்களது மொபைல் எண்ணைப் பதிவிட்டு ’get OTP'என்பதை கிளிக் செய்யவும்.
உங்களது மொபைல் எண்ணுக்கு ஒரு ஓடிபி வரும். அதைப் பதிவிட்டு சமர்ப்பிக்கவும். ‘address update’ என்பதில் சென்று உங்களது முகவரி குறித்த விவரங்களைப் பதிவிடவும். அதன் பின்னர் முகவரிக்கு உண்டான ஆவணங்களைப் பதிவேற்றம் செய்து சமர்ப்பிக்கவும். இதன் பின்னர் உங்களுக்கு ரெஃபரன்ஸ் நம்பர் ஒன்று வழங்கப்படும். அதை வைத்து நீங்கள் ஆதார் மாற்ற விவரங்களை டிராக் செய்ய முடியும்.
கருத்துரையிடுக